Una Mano de Amigos
III Plan para la Igualdad de Mujeres y Hombres 20011-2014
Vistas
Berdintasunaren aldeko 2011ko Emakunde Saria Irungo San Martzial Alardeari eta Hondarribiko Jaizkibel konpainiari eman zaie
02/02/2012 11:05 | Enviado por webmaster4 | Link permanentes | Actuaciones por la Igualdad, Sobre Portuigualdad.infoBerdintasunaren aldeko 2011ko Emakunde Saria Irungo San Martzial Alardeari eta Hondarribiko Jaizkibel konpainiari eman zaie. Entitate biak Alarde Publikoaren Alde «Alardezaleak» elkarteak ordezkatzen ditu eta, epaileen iritziz, sariaren balorazio-irizpideetara ongien egokitzen diren hautagaiak izan dira. Alarde mistoetan emakumeek parte hartzeak agerian uzten du legezko berdintasunak ez dakarrela nahitaez benetako berdintasuna; hori aitortu nahi du epaimahaiak.
Nabarmentzekoa da, halaber, hautagaitza horrek emakumeen eta gizonen berdintasunaren alde egin duela argi eta garbi hastapenetatik eta, oztopoak oztopo, hamabost urte baino gehiago daramala lanean, beti bide baketsuak direla medio, emakumeei herriko jaietan eta ospakizunetan berdintasunez parte hartzeko eskubidea aitor dakien.
Gainera, alarde mistoen jarduerak oihartzun handia izan du Antropologiaren eta Gizarte Zientzien eremu akademikoan: ikaskuntza kolektiboa sortu da, azterlanak, ikerketak, lanak, esku hartzeko proposamenak eta arauak bultzatu dira eta emakumeen eta gizonen berdintasunaren aldeko beste kausa batzuk defendatzeko erreferente izan dira.
